Karaoke. Milli musiqi ve poeziya toplusu

Azərbaycan xalq mahnıları qədim dövrlərdən yaranaraq, təkmilləşərək, yaddaş vasitəsilə nəsildən-nəslə ötürülüb, bizə gəlib çatmışdır.

Xalq arasında çox sevilən, bütün yaş nəsillərinə mənsub insanlar, xüsusilə uşaqlar tərəfindən asan qavranılan mahnıların karaoke oxunması qeyri-adi təsir gücünə malik olub, insanlara estetik zövq aşılayaraq, onların mənəviyyatının zənginləşdirilməsinə xidmət edir.

<<< Mahnıların mətni

<<< Əsas səhifə

Seyid Əzim Şirvani

Dolanım başına ey nazlıca yarım, bəri bax,

İşvəli, qəmzəli, çəm-xəmli nigarım, bəri bax.

İşvə ağaz qılıb səbrimi tarac etmə,

Getdi dildən dəxi aramü qərarım, bəri bax.

Xəm¹ emiş qamətim əbrulərinin²qurbanı,

Zülfi-pürtabına³ qurban təni-zarım, bəri bax.

Bu cəfadidə dil, ol kakili⁴-mişkinə fəda,

Gözlərin sədəqəsi bu cismi-fikarım, bəri bax.

Can nisar⁵ etməyə amadədi⁶ Seyyid, gözəli,

Gər desən lütfilə⁷: ey aşiqi-zarım, bəri bax!

____________________________________

1. Xəm - əyri.

2. əbru - qaş.

3. pürtab - parlaq, işıq.

4. kakil - saç.

5. nisar - saçma, səpmə, dağıtma. Qurban.

6. amadə - hazır.

7. lütf - xeyirxahlıq.

| Mahnının videosu |